الیکشن کا طبل بجنے والا‘ ہر حلقہ سے جیالے میدان میں اتاریں گے:آصف ناگرہ

لاہور(نامہ نگار)پیپلز پارٹی لاہور ڈسٹرکٹ ٹو کے صدر آصف ناگرہ نے کہا ہے کہ عام الیکشن کا طبل بجنے والا ہے، ہر حلقے سے جیالا میدان میں اتاریں گے۔وہ پی پی 173کے زیر اہتمام تنظیمی اجلاس سے خطاب کر رہے تھے جس کا اہتمام زونل صدر چودھری اکرم کمبوہ نے کیا تھا۔انہوں نے کہا کہ تنظیمی معاملات، اختلافات اور خدشات کو فوری حل کیا جائے گا۔اجلاس میں موجودہ سیاسی صورتحال اور تنظیمی امور پر تبادلہ خیال اور آئندہ تمام دوستوں کے ساتھ مل کر چلنے اور تنظیمی فیصلوں کے احترام پر اتفاق رائے کیا گیا ہے۔