حافظ آباد (نمائندہ نوائے وقت+نمائندہ خصوصی)محکمہ پاپولیشن ویلفیئر کے زیر اہتمام عالمی دن کی مناسبت سے حافظ آباد میں بے بی شو اور گرلز بیڈمنٹن مقابلوں کا انعقا د کیا ۔ ڈسٹرکٹ پاپولیش ویلفیئر آفیسر ساجدہ مشتاق ، ڈی او سپورٹس نبیلہ چیمہ سمیت محکمہ پاپولیش ویلفیئر کی ڈاکٹر ز اور دیگر نامور خواتین موجو د تھیں۔محکمہ پاپولیشن ویلفیئر چک چٹھہ فلاحی مرکز میں صحت مند بچوں کے مقابلوں کا انعقاد کیا گیا جس میں شریک بچوں میں تحائف بھی تقسیم کیے گئے ۔ علاوہ ازیں سپورٹس جمنازیم عالمی دن کی منا سبت سے گرلز بیڈ منٹن مقابلوں کا بھی انعقاد کیا گیا جس میں مختلف سکولوں ،کالجوں کی طالبات نے حصہ لیا۔