گوجرانوالہ (نمائندہ خصوصی) گوجرانوالہ چیمبر آف کامرس اینڈ انڈسٹری کے صدر شیخ فیصل ایوب نے گوجرانوالہ کی بزنس کمیونٹی کو خوشخبری دیتے ہوئے بتایا کہ بزنس کمیونٹی کے ڈرائیونگ ٹیسٹ اب گوجرانوالہ چیمبرآف کامرس میں ہی لئے جائیں گے ۔بزنس کمیونٹی کو ڈرائیونگ ٹیسٹ کیلئے اب کسی دوسری جگہ جانے کی ضرورت نہیںکیونکہ خصوصی کاوش سے انتظامیہ سے اس کی منظوری حاصل کر لی گئی ہے ۔ انہوںنے کہا کہ میں سی پی او گوجرانوالہ رانا ایاز سلیم اور سی ٹی او گوجرانوالہ میاں سہیل فاصل کا خصوصی شکر گزار ہوں کہ جنہوں نے بزنس کمیونٹی کی آسانی کیلئے چیمبرآف کامرس میں ڈرائیونگ ٹیسٹ لینے کی منظوری دی ۔انتظامیہ کی اس کاوش سے بزنس کمیونٹی کو نہ صرف بروقت ڈرائیونگ ٹیسٹ کی سہولت میسر آئی گی بلکہ ان کا قیمتی وقت بھی بچ سکے گا۔