سونا6روپے تولہ مہنگا‘ڈالر اوپن  مارکیٹ میں45پیسے سستاہوگیا

کراچی (کامرس رپورٹر)فاریکس ایسوسی ایشن آف پاکستان کی رپورٹ کے مطابق گزشتہ روز انٹر بینک میں 5پیسے کے اضافے سے ڈالر کی قدر278.50روپے سے بڑھ کر278.55روپے پر آ گئی تاہم اوپن مارکیٹ میں 45پیسے کمی سے ڈالر 280.55روپے رہ گیا۔سونادوبارہ مہنگا ہوگیا ‘ایک تولہ سونے کی قیمت600روپے بڑھ کر 2 لاکھ 45 ہزار600 روپے ہو گئی۔آل پاکستان سپریم کونسل جیولرز ایسوسی ایشن کے مطابق گزشتہ روز 10 گرام سونا 514 روپے بڑھ کر 2 لاکھ 10 ہزار562 روپے کا ہوگیا۔ تاہم مقامی مارکیٹ میں فی تولہ چاندی کے دام2900روپے پر مستحکم رہے۔