لاہور(سپورٹس رپورٹر)پاکستان کی دو بہنوں ویرونیکا سہیل اور سیبل سہیل نے ایشیا پیسیفک افریقن کمبائنڈ پاور لفٹنگ چیمپئن شپ میں تاریخ رقم کردی۔چاروں کیٹگریز میں دونوں بہنوں نے چار، چار گولڈ میڈلز جیت کر ملک کا نام روشن کردیا۔ تیسری بہن ٹوئنکل سہیل آج ایکشن میں ہونگی۔جنوبی افریقہ میں جاری چیمپئن شپ کی 52 کلوگرام اوپن کیٹیگری کی ڈیڈ لیفٹ میں سیبل سہیل نے گولڈ میڈل جیتا جبکہ سیبل سہیل نے اوورآل میں بھی گولڈ میڈل جیتا۔ سیبل سہیل نے پاکستان کیلئے 4 گولڈ میڈل جیت لئے۔سیبل سہیل نے اسکواٹ بنچ پریس ڈیڈ لفٹ اور اوور آل میں چار گولڈ میڈلز جیتے۔سیبل کی بہن ویرونیکا سہیل نے 57 کلوگرام کیٹیگری کے ڈیڈ لیفٹ میں گولڈ میڈل جیتا۔ ویرونیکا سہیل نے اسکواٹ، بینچ پریس اور ڈیڈ لیفٹ میں بھی گولڈ میڈل جیت لیا۔ویرونیکا سہیل نے اوورآل میں بھی گولڈ میڈل جیت کر کل 4 گولڈ میڈل اپنے نام کیے۔