ٹی ٹونٹی رینکنگ‘بابر اعظم کی چوتھی محمد رضوان کی پانچویں پوزیشن 

لاہور(سپورٹس رپورٹر)انٹرنیشنل کرکٹ کونسل نے ٹی ٹونٹی انٹرنیشنل کھیلنے والے کھلاڑیوں کی رینکنگ جاری کردی۔ٹی ٹونٹی بیٹنگ رینکنگ میں آسٹریلیا کیٹریوس ہیڈ کی پہلی پوزیشن برقرار جبکہ بھارت کے سوریا کمار یادیو دوسری اور انگلینڈ کے فل سالٹ تیسری پوزیشن پر ہیں۔ رینکنگ میں پاکستان کے بابراعظم چوتھے اور محمد رضوان پانچویں نمبر پر ہیں جبکہ انگلینڈ کے جوزبٹلر کی چھٹی پوزیشن برقرار ہے۔بھارت کے رتوراج گائیکواڈ  13 درجے بہتری کے بعد ساتویں پوزیشن پر ہیں۔ بولنگ رینکنگ میں انگلینڈ کے عادل رشید کی پہلی پوزیشن برقرار جبکہ جنوبی افریقہ کے  انرچ نورکیا کی دوسری، سری لنکا کے وانندو ہسا رانگا کی تیسری، افغانستان کے راشد خان کی چوتھی پوزیشن ہے۔ ٹاپ 10 بائولرز میں پاکستان کا کوئی بولر شامل نہیں ۔ آل راؤنڈرز رینکنگ میں ہاردیک پانڈیا پہلی پوزیشن سے محروم‘ سری لنکا کے وانندو ہسا رانگا کی پہلی پوزیشن جبکہ ہاردیک پانڈیا کی دوسری اور آسٹریلیا کے مارکس سٹوئنس کی تیسری پوزیشن ہے۔ سکندر رضا چوتھی اور شکیب الحسن پانچویں پوزیشن پر ہیں۔