حافظ آباد(نمائندہ نوائے وقت) کوٹ سرور فلائی اوور کے قریب پولیس کی وردی میںملبوس 2نامعلوم ڈاکو دومقامی تاجروں سے 16لاکھ روپے سے زائد نقدی لوٹ کر فرار ہوگئے جبکہ پولیس خراٹے لیتی رہ گئی۔تفصیلات کے مطابق محلہ مغل پورہ کا رہائشی  عامر شہزاد جو کہ سولرپیلٹس کا کام کرتا ہے وہ گذشتہ روزمحمد اکرام اور ڈرائیور کے ہمراہ شہ زور ڈالہ میں سوار ہوکر سولرپلیٹس خریدنے لاہو رجارہے تھے کہ کوٹ سرور فلائی اوور کے قریب پولیس یونیفارم میںملبوس دو ڈاکوجو کہ ایک کرولہ گاڑی میں سوار تھے انہوںنے روکا اور کہا کہ پیچھے واردات ہوئی ہے اور انہوںنے شہ زورڈالہ گاڑی چیک کرنی ہے جس پر انہوںنے گاڑی روکی تو ملزمان عامر شہزاد سے آٹھ لاکھ روپے اور محمد اکرام سے آٹھ لاکھ ستائیس ہزار روپے لوٹ کر فرار ہوگئے۔ پولیس نے مقدمہ درج کرلیا ۔