دوران پرواز خاتون مسافر دل کا دورہ پڑنے سے انتقال

 خاتون مسافر دل کا دورہ پڑنے سے انتقال کر جانے کے باعث غیر ملکی ائیر لائن کے طیارے نے کراچی ایئر پورٹ پر ہنگامی لینڈنگ کی۔ایوی ایشن کے مطابق فلائی دبئی کی پرواز ایف زیڈ 569 دبئی سے بذریعہ بنکاک کولمبو جا رہی تھی کہ کراچی کے قریب بحیرہ عرب پر پرواز کے دوران بوئنگ 737 میکس 8 طیارے میں سوار خاتون مسافر کی طبیعت اچانک خراب ہو گئی۔ ائیر ٹریفک کنٹرول کراچی نے پائلٹ کے رابطہ کرنے پر طیارے کو ہنگامی لینڈنگ کی اجازت دی ، کراچی ائیرپورٹ پر پرواز کے اترنے پر سول ایوی ایشن اتھارٹی کی ٹیم نے مسافر خاتون کا معائنہ کیا تو اس وقت تک وہ انتقال کر چکی تھیں، بعدازاں پرواز میت کے ساتھ اپنی منزل کی جانب روانہ ہو گئی۔