جنوب مشرقی ایشیا کو پاکستان کی برآمدات میں سالانہ بنیادوں پر70 فیصد اضافہ

جنوب مشرقی ایشیا کو پاکستان کی برآمدات میں سالانہ بنیادوں پر70 فیصد اضافہ ہو گیا۔جنوب مشرقی ایشیا کے ممالک سے پاکستان کے تجارتی خسارہ میں گزشتہ مالی سال کے دوران کمی ریکارڈ کی گئی ہے. گزشتہ مالی سال کے پہلے 11 ماہ میں جنوب مشرقی ایشیا کے ممالک کو پاکستان کی برآمدات میں سالانہ بنیادوں پر70 فیصد کا اضافہ جبکہ ان ممالک سے درآمدات میں 9 فیصد کی کمی ہوئی ہے۔اسٹیٹ بینک اورپاکستان بیوروبرائے شماریات کی جانب سے اس حوالہ سے جاری اعدادوشمارکے مطابق گزشتہ مالی سال کے پہلے 11 ماہ میں انڈونیشیا، ملائشیا، تھائی لینڈ اورجنوب مشرقی ایشیا کے دیگرممالک کوپاکستانی برآمدات کاحجم 2.028 ارب ڈالرریکارڈکیاگیا جومالی سال 2023 کی اسی مدت کے مقابلہ میں 70 فیصد زیادہ ہے۔مالی سال 2023 کی اسی مدت میں جنوب مشرقی ایشیا کے ممالک کوبرآمدات سے ملک کو1.195 ارب ڈالر کا زرمبادلہ حاصل ہواتھا، مئی 2024 میں جنوب مشرقی ایشیا کے ممالک کو پاکستانی برآمدات کاحجم 200.53 ملین ڈالرریکارڈ کیا گیا جواپریل میں 163.45 ملین ڈالراورگزشتہ سال مئی میں 110.79 ملین ڈالرتھا۔اعدادوشمار کے مطابق گزشتہ مالی سال کے پہلے 11 ماہ میں جنوب مشرقی ایشیا کے ممالک سے درآمدات پر6.445 ارب ڈالر کا زرمبادلہ خرچ ہواجومالی سال 2023 کی اسی مدت کے مقابلہ میں 9 فیصد کم ہے. مالی سال 2023 کی اسی مدت میں جنوب مشرقی ایشیا کے ممالک سے درآمدات پر7.017 ارب ڈالرکا زرمبادلہ خرچ ہواتھا۔مئی 2024 میں جنوب مشرقی ایشیا کے ممالک سے درآمدات کاحجم 642.36 ملین ڈالرریکارڈ کیا گیا جواپریل میں 508.34 ملین ڈالر اور گزشتہ سال مئی میں 526.22 ملین ڈالرتھا، مالی سال 2023 میں جنوب مشرقی ایشیا کے ممالک سے مجموعی درآمدات کا حجم 7.455 ارب ڈالر ریکارڈ کیا گیا تھا۔