شازیہ سعید
ہالی وڈ کی آسکر ایوارڈ یافتہ بہادر اور پر کشش اداکارہ انجیلنا جولی کی گزشتہ ماہ چھاتی کے سرطان کی کامیاب سر جری ہوئی۔ انجیلینا نے اپنی سرجری کے حوالے سے امریکی اخبار ”نیو یارک ٹائمز “ میں چھپنے والے اپنے ایک کالم میں لکھا ہے کہ یہ مرض انہیں وراثت میں ملا ہے۔ ان کی والدہ دس سال تک کینسر سے لڑتی رہیں اور56برس کی عمر میں انتقال کر گئیں۔ انجیلینا کا کہنا ہے کہ ا نہوں نے خود کو اس مرض سے بچانے کی بہت کوشش کی لیکن انہیں یہ جین وراثت میں ملا ہے تاہم انہوں نے سرجری کا فیصلہ کیا ۔ جولی نے بتایا کہ رواں برس کے آغاز پر جب ڈاکٹروں نے اس کی تشخیص کی ان کے بدن میں بریسٹ کینسر کی افزائش کا قوی امکان تھا اور تشخیص کے مطابق چھاتی کے کینسر میں مبتلا ہونے کا87فیصد امکان اور رحم کے سرطان کی افزائش کا خطرہ 50فیصد ظاہر کیا گیا تھا۔البتہ 37سالہ خوبرو اداکارہ نے سرجری کا فیصلہ احتیاطی تدابیر کے طور پر کیا کیونکہ وہ اپنے چھ بچوں کے لئے زندہ رہنا چاہتی ہیں۔ سرجری اور مکمل علاج کا مرحلہ تین ماہ تک جاری رہا اور اپریل کے آخر میں پورا ہوا اس دوران ان کے منگیتر براڈ پٹ نے ان کا بھرپور ساتھ دیا اور خیال رکھا۔ براڈ پٹ انجیلینا کے حوصلے اور ہمت کی تعریف کرتے ہیں۔ ان کا یہ فیصلہ ان خواتین کے لئے حوصلہ افزاءہے جو چھاتی کے کینسر میں مبتلا ہیں اور مسلسل تکلیف دہ مراحل سے گزر رہی اور سرجری سے گھبراتی ہیں۔ سرجری کے بعد انجیلینا نے اپنے منگیتر کی فلم کے پریمئیر میں شرکت کر کے سب کو دکھا دیا کہ وہ اب بالکل فٹ اور پہلے سے زیادہ پر جوش ہیں۔
ٹیلر سوفٹ میڈونا کے سٹائلز سے متاثر
میلوڈی کوئین ٹیلر سوفٹ مشہو ر زمانہ گلوکارہ میڈونا کو اپنا گرو مانتی ہیں۔ ٹیلر سوفٹ کا کہنا ہے کہ بلاشبہ میڈونا ایک ورسٹائل گلوکارہ ہیں ۔ انہوں نے خود پر کسی ایک سٹائل کی چھاپ نہیں لگوائی بلکہ وہ ہمیشہ کچھ نہ کھچ نیا کرتی رہتی ہیں۔ٹیلر کا کہتی ہیں کہ وہ نے میڈونا کے ہر نئے انداز سے کچھ نیا سیکھتی ہیں کیونکہ وہ ان کے لئے ”گرو“ کی حیثیت رکھتی ہیں۔
ہمدرد ہیں جہاں میں کیسے کیسے!!!
ہالی وڈ اداکارہ ایمنڈا بینز کو ڈرگ کیس کی وجہ سے اپنی فلمی سرگرمیاں ترک کرنا پڑیں جس کی وجہ سے ان کے کرئیر کو شدید نقصان پہنچا ہے لیکن مصیبت کے ان لمحات میں جہاں شوبز سے انہیں کسی حد تک بے دخل کر دیا گیا وہیں برٹنی سپیئر کو ان سے ہمدردی ہو گئی ہے اور وہ چاہتی ہیں کہ ایمنڈا ایک بار پھر اپنے کرئیر کا آغاز کرے اسی سلسلے میں برٹنی نے ایمنڈا کی ڈوبتی نیا کو پار لگانے کے لئے اس کے ساتھ کام کرنے کا فیصلہ اور ایمنڈا کو ہار نہ ماننے کی تاکید کی ہے۔