32 ویں نیشنل گیمز کے جوڈو مقابلوں میں مرد اور خواتین ٹیمیں حصہ لیں گی

 اسلام آباد (اے پی پی) 32 ویں نیشنل گیمز میں ہونے والے جوڈو مقابلوں میں مرد اور خواتین ٹیمیں حصہ لیں گی۔ پاکستان جوڈو فیڈریشن کے سیکرٹری مسعود احمد خان نے بتایا کہ مینز اور ویمنز مقابلوں میں پاکستان آرمی‘ نیوی‘ ایچ ای سی‘ چاروں صوبوں‘ اسلام آباد‘ فاٹا اور آزادکشمیر کی ٹیموں نے ایونٹ میں شرکت کی تصدیق کر دی جبکہ واپڈا‘ پولیس اور ریلوے نے ابھی تک اپنی شرکت کی تصدیق نہیں کی تاہم وہ توقع رکھتے ہیں کہ وہ جلد ہی فیڈریشن کو اپنی شرکت کی تصدیق کرے گی۔ سیکرٹری نے کہا کہ 32 ویں نےشنل گیمز میں قومی جوڈو کے 13 مرد ٹیمیں 10 مختلف کیٹگری کے مقابلوں میں حصہ لیں گی جبکہ خواتین 8 کیٹگری کے مقابلوں میں شرکت کریں گی۔ انہوں نے کہا کہ ایونٹ کی تیاری کے لئے فیڈریشن سے منسلک تمام یونٹس اپنے اپنے شہروں میں تربیتی کیمپ لگائے اور ہر ایک اپنے شہر میں تربیت حاصل کررہے ہیں انہوں نے کہا کہ چیمپئن شپ میں پاکستان جوڈو کے کھلاڑی عمدہ کارکردگی کا مظاہرہ کریں گے۔