لاہور (سپورٹس رپورٹر+ نمائندہ سپورٹس) پاکستان ہاکی فیڈریشن ماہ رمضان کے دوسرے عشرے میں نائٹ ہاکی ٹورنامنٹ کا انعقاد کرے گی، نیشنل سٹیڈیم لاہور میں ہونیوالے ٹورنامنٹ میں چھ شہروں کے نام سے منسوب ٹیمیں شریک ہونگی۔پاکستان ہاکی فیڈریشن کے ذرائع کے مطابق فیڈریشن نے ہاکی فائیو ٹورنامنٹ کیلئے مکمل تیاری کرلی ہے۔ طویل عرصہ بعد ملک میں رمضان کرکٹ کے بعد اب ہاکی کے مقابلے بھی میں فلڈلائٹس میں ہونگے۔