سینٹ لوشیا (سپورٹس ڈیسک ) افغانستا ن نے ویسٹ انڈیز کو ون ڈے سیریز کے پہلے میچ میں 63رنز سے شکست دیدی ۔ افغانستان نے افغان ٹیم نے ٹاس جیت کر بلے بازی کا فیصلہ کیا ور مقررہ اوورز میں 6وکٹوں پر 212رنز بنائے ۔ نوری علی زدران پانچ ‘جاوید احمد 81‘رحمت شاہ سترہ ‘کپتان اصغر ستانکز ئی دو ‘سمیع اللہ شنواری بائیس ‘افسر زا زئی تیرہ رنز بناکر آﺅٹ ہوئے ۔ محمد نبی ستائیس اور گلبدین نائب اکتالیس رنز پر ناقابل شکست رہے ۔ نرس نے دو ‘گیبرئیل ‘ہولڈ ر‘کمیونز اور جوزف نے ایک ایک وکٹ حاصل کی ۔ ہدف کے تعاقب میں کالی آندھی مشکلات کا شکار رہی اور راشد خان کی تباہ کن باﺅلنگ کا مقابلہ کرنے میں ناکام رہی ۔ لیوس اکیس‘کیرون پاول دو ‘شائی ہوپ 35‘جیسن محمد سات ‘روسٹن چیز صفر ‘کارٹر انیس ‘جیسن ہولڈر صفر ‘نرس بارہ ‘جوزف ستائیس اور کمیونز پانچ رنز بناکر چلتے بنے ۔ گیبرئیل دو رنز پر ناٹ آﺅ ٹ رہے ۔ پوری ٹیم 44.4اوورز میں 149رنز بناکر ڈھیر ہوگئی ۔ راشد خان نے 8.4اوورز میں اٹھارہ رنز دے کر سات کھلاڑیوں کو پویلین کی راہ دکھائی ۔ دوالت زدران نے دو جبکہ گلبدین نائب نے ایک وکٹ حاصل کی ۔ راشد خا ن کو میچ کا بہترین کھلاڑی قرار دیا گیا ۔ ویسٹ انڈیز کی جانب سے روسٹن چیز نے ون ڈے ڈیبیو کیا ۔