کارڈف:چیمپئنزٹرافی میں قومی ٹیم پول کا آخری میچ آج(پیر کو)سری لنکا کیخلاف کھیلے گا۔یہ میچ کارڈف کے صوفیا گارڈنز میں پاکستانی وقت کے مطابق دن اڑھائی بجے شروع ہوگا۔قومی کرکٹ ٹیم سرفراز کی کپتانی میں میدان میں اترے گی جبکہ سری لنکن ٹیم کی قیادت اینجلو ڈیوس میتھیوز کریں گے۔واضح رہے کہ یہ میچ فیصلہ کن میچ ثابت ہو گا کیونکہ اس میچ میں جو ٹیم کامیاب ہو گی وہ سیمی فائنل کے لیے کوالیفائی کرےگی۔واضح رہے کہ قومی ٹیم کی جانب سے نوجوان کھلاڑی فہیم اشرف کا اس اہم میچ میں ڈیبیو کرنے کا امکان ہے جبکہ سری لنکا کی جانب سے کوسل پریرا فٹنس مسائل کے باعث یہ اہم میچ نہیں کھیل پائیں گے کیونکہ بھارت کے خلاف پریرا انجری کا شکار ہو گئے تھے ان کی دھانن جایا ڈی سلوا کوٹیم میں طلب کر لیا گیا ہے۔