پولیس نے آئس لینڈ فٹبال ٹیم کے کوچ کا بیگ تلاش کرلیا

لاہور (سپورٹس ڈیسک ) فٹ بال ورلڈ میں شرکت کیلئے روس میں موجود آئس لینڈ کی ٹیم کو پولیس کی ضرورت پڑ گئی ۔ ٹیم منیجر نے غلطی سے اپنا بیگ دوسری بس میں رکھ دیا جس کی وجہ سے پولیس کی مدد طلب کی گئی ۔ پولیس نے ڈیڑھ گھنٹے کی مشقت کے بعد کوچ کا بیگ تلاش کرلیا ۔ کوچ ہال گرمسن نے کہا کہ بیگ کا ملنا اچھی بات ہے مگر میری ٹیم کے لڑکے ہی مجھ پر ہنس رہے ہیں ۔ امید ہے یہ ہماری پہلی اور آخری غلطی ہو گی ۔ بیگ میں کمپیوٹربھی تھا جس میں بیس سالہ کام محفوظ کیا گیا تھا۔