شیخوپورہ(نمائندہ نوائے وقت)پاکستان پیپلز پارٹی کے ضلعی سینئر نائب صدر و امیدوار این اے 121چوہدری خالق عزیز مت ورک نے کہا ہے کہ 25جولائی کو ن لیگ کا غبارہ ہمیشہ کیلئے ٹھس ہو جائیگا پیپلز پارٹی امیدوار کامیاب ہونگے شہبازشریف نے 56 کمپنیوں کے علاوہ جنگلہ بس، اورنج لائن ٹرین جیسے منصوبوں کی وجہ سے پنجاب کو 2 ہزار ارب کا مقروض کر دیا ہے نام نہاد خادم اعلی پنجاب کیلئے شرم سے ڈوب مرنے کا مقام ہے کہ آج رمضان المبارک میں روزے داروں اور نمازیوں کو بدترین لوڈشیڈنگ سے پریشان کیا جارہا ہے، کرپشن کرنے والے نیا لبادہ اوڑھ کر ایک بار پھر عوام کو بیوقوف بنانے کی تیاریاں کر رہے ہیں۔اس بارے آپ ان کی معصوم شکل سے دھوکا مت کھائیں پیپلزپارٹی ن لیگ اور پی ٹی آئی نہ صرف ٹف ٹائم دے گی بلکہ قومی انتخابات میں حیران کن نتائج سے مخالفین کے ہوش اڑا دے گی این اے121کی غیور عوام نے اﷲ کریم کی مہربانی سے فتح سے ہم کنار کیا تو حلقے کی تمام محرومیوں کو پیپلزپارٹی ختم کردے گی، سابقہ حکمرانوں کی بداعمالیوں کی سزا پوری قوم بھگت رہی ہے شفاف انتخابات کیلئے الیکشن کمشن ناگزیر ہے آئندہ الیکشن میں کڑا احتساب کریں گے ووٹ کی طاقت سے تیر کو کامیابی دلوائیں گے۔