لاہور( لیڈی رپورٹر ) چیئر پرسن سٹیڈنگ کمیٹی فار چیف منسٹر انسپیکشن ٹیم مومنہ وحید نے کہا ہے کہ محض شو بازیاں کرکے خادم اعلیٰ کاجعلی میڈل سینے پر نہیں سجایا جاسکتابلکہ اس کیلئے عوام کی بے لوث خدمت اورعام آدمی کے مسائل کا احساس کرنا پڑتا ہے۔سابق حکمرانوں نے ذاتی نمود و نمائش کے منصوبے بنائے جس کا فائدہ صوبے کے عوام کونہیں ہوابلکہ الٹا خزانے پر بوجھ پڑا ۔ ہمیں شو بازیاں آتی ہیں نہ جعلی کام کرتے ہیں۔ چند دنوں میں معلوم ہوگا کہ جو گرجتے ہیں وہ برستے نہیں ہیں، ن لیگ برستی کب اور کہاں ہے اس کا فیصلہ وقت کرے گا، انہوں نے کہاکہ وزیراعظم عمران خان کی قیادت میں نئے پاکستان کی منزل کی جانب بڑھ رہے ہیں ۔مختصر مدت میں وہ کام کردکھائے ہیں جو سابق حکومتیں پانچ سال میں نہ کرسکیں۔