نیویارک (نیٹ نیوز)جراسک ورلڈسمیت دیگر معروف فلموں میں اداکاری کے جوہر دکھانے والے اداکار کرس پراٹ نے طلاق کے 8 ماہ بعد دوسری شادی کرلی۔کرس پراٹ نے ہولی وڈ کے مقبول اداکاراور فلمساز آرنلڈ شوازینگر کی 29 سالہ بیٹی کیتھرین شوازینگر سے شادی کی۔ دونوں نے رواں برس کے آغاز میں اچانک اس وقت منگنی کی تھی جب کرس پراٹ کی طلاق کو محض 2 ماہ گزرے تھے۔کرس پراٹ اور کیتھرین شوازینگر نے گزشتہ روز سادگی سے شادی کرنے کے بعد مداحوں کو سوشل میڈیا کے ذریعے آگاہ کیا۔ خیال رہے کہ 39 سالہ کرس پراٹ کی پہلی شادی 41 سالہ اداکارہ اینا فارس سے 2009 میں ہوئی تھی، تاہم دونوں کے درمیان 2017 میں علیحدگی ہوگئی۔