فیفا ورلڈ کپ کوالیفائرز:پاکستان آج کمبوڈیا کیخلاف دوسرامیچ کھیلے گا

لاہور(سپورٹس رپورٹر)فیفا ورلڈ کپ کوالیفائرز میں پاکستان ٹیم آج کمبوڈیا کیخلاف دوسرا میچ کھیلے گی، دوحا، قطر کے حماد بن خلیفہ فٹبال سٹیڈیم میں ہونے والے اس مقابلے کیلئے پاکستان ٹیم میں کسی تبدیلی کا امکان نہیں، ذیشان رحمان قیادت کریں گے۔کوالیفائرز کے سلسلے میں یہ پاکستان کا ہوم میچ ہوگا، پاکستانی ٹیم کو اگلے رائونڈ میں رسائی کیلیے 0-3 سے کامیابی حاصل کرنا ضروری ہے، کمبوڈیا ٹیم میچ برابر کھیلنے پر بھی باآسانی اگلے رائونڈ میں پہنچ جائے گی۔ قنوم پنہ اولمپک سٹیڈیم میں کھیلے جانے والیفیفا ورلڈ کپ کوالیفائرز کے پہلے میچ میں میزبان کمبوڈیا نے پاکستان کو 0-2 سے مات دی تھی۔