ابو ظہبی(آئی این پی)ایچ بی ایل پاکستان سپر لیگ چھ میں جمعہ کو اسلام آباد یونائیٹڈ اور کوئٹہ گلیڈی ایٹرز کی ٹیمیں شیخ زید کرکٹ سٹیڈیم ابوظہبی میں آمنے سامنے ہونگی ۔تفصیلات کے مطابق کل جمعہ کو لیگ کا مجموعی طور پر 18واں میچ اسلام آباد یونائیٹڈ اور کوئٹہ گلیڈی ایٹرز کی ٹیموں کے درمیان کھیلا جائے گا۔ شیخ زید سٹیڈیم ابوظہبی میں کھیلا جانے والا یہ میچ مقامی وقت کے مطابق رات 8بجے اور پاکستانی وقت کے مطابق رات 9بجے شروع ہوگا۔اسلام آباد یونائیٹڈ کی قیادت پاکستان کے مایہ ناز آل رائونڈر شاداب خان کریں گے جبکہ کوئٹہ گلیڈی ایٹرز کی کمان سرفراز احمد سنبھالیں گے۔