لاڑکانہ ،بجلی کی عدم فراہمی کیخلاف طلباء کاہاتھوں میں کتابیں اٹھاکردھرنا

لاڑکانہ(بیورورپورٹ) لاڑکانہ شہر کے قدیمی گورنمنٹ میونسپل ہائر سیکنڈری اسکول کے نویں اور دسویں کلاسز میں بجلی کی عدم فراہمی کے خلاف طلبہ نے ہاتھوں میں کتاب اٹھاکر اسکول کے احاطے  میں احتجاجی مظاہرہ کیا جہاں انہوں نے شدید نعرے بازی بھی کی۔ اس موقع پر طلبہ علی رضا، نصراللہ و دیگر کا کہنا تھا کہ کورونا وبا کے بعد تین روز قبل بند اسکول کھولے گئے تاہم اسکول میں آنے سے ہی نویں اور دسویں کلاسز میں بجلی کی فراہمی معطل ہے، انہوں نے مطالبہ کیا کہ احتجاج کا نوٹس لے کر بجلی کی فراہمی بحال کی جائے بصورت دیگر احتجاج کا دائرہ وسیع کیا جائے گا۔