معاون خصوصی اطلاعات پنجاب فردوس عاشق اعوان نے کہا ہے کہ عمران خان کی قیادت میں حکومتی کاوشوں سے ملکی معیشت پرچھائے سیاہ بادل چھٹ چکے ہیں۔ انہوںنے سماجی رابطے کی ویب سائٹ ٹوئٹر پر ٹوئٹ میں کہا ہے کہ معیشت میں آئی بہتری کے ثمرات عوام تک پہنچانے کے عمل کا باقاعدہ آغاز ہونے کو ہے، الحمدللہ وزیراعظم عمران خان کی قیادت میں حکومتی کاوشوں سے ملکی معیشت پر چھائے سیاہ بادل چھٹ چکے ہیں۔انہوں نے کہا کہ وزیراعظم عمران خان کی ہدایات کے مطابق عوام کیلئے زیادہ سے زیادہ سہولیات اور آسانیاں پیدا کرنا بجٹ 22-2021 کا مرکز و محور ہوگا۔ یہ بجٹ کاشتکاروں، مزدوروں اور صنعتی ملازمین کیلئے خوشخبریاں لائے گا۔ بہتر ہوتی معیشت غریب اور کمزور طبقے کیلئے آسانیاں اور بہتر مستقبل کی نوید بنے گی۔
وزیراعظم عمران خان کی ہدایات کے مطابق عوام کیلئے زیادہ سے زیادہ سہولیات اور آسانیاں پیدا کرنا بجٹ 22-2021 کا مرکز و محور ہوگا۔ یہ بجٹ کاشتکاروں، مزدوروں اور صنعتی ملازمین کیلئے خوشخبریاں لائے گا۔ بہتر ہوتی معیشت غریب اور کمزور طبقے کیلئے آسانیاں اور بہتر مستقبل کی نوید بنے گی۔
— Dr. Firdous Ashiq Awan (@Dr_FirdousPTI) June 11, 2021
