شیخوپورہ(نمائندہ نوائے وقت)مسلم لیگ (ن) پی پی 139کے کنوینئر و امیدوار صوبائی اسمبلی چوہدری شہباز احمد چھینہ نے کہا ہے کہ پی ٹی آئی نے معاشرے میں بدتہذیبی اور گالی گلو چ کلچرل پروان چڑھایا،سیاسی رواداری برقرار رکھنے اور معاشرتی اقدار بچانے کیلئے قوم کو پی ٹی آئی کے طر ز سیاست کی حوصلہ شکنی کرنا ہوگی، سیاست سے شائستگی کا خاتمہ آنیوالی نسلوں کی اخلاقی تربیت پر منفی اثرات مرتب کریگا جس سے قوم کی اخلاقیات کا جنازہ نکلنا منطقی امر ہے ، عوام کو مثبت و تعمیری سیاست کی ضامن جماعت ن لیگ کی قیادت کا بھرپور ساتھ دینا ہوگا یہی قیادت قوم کے جذبات کی ترجمانی کا حق ادا کرسکتی ہے، اپنے ایک بیان میں چوہدری شہباز احمد نے کہا کہ سابق حکمرانوں کی چار سال کی نالائقیاں ایک دن میں ختم نہیں ہوں گی، موجودہ حکومت لوڈشیڈنگ کے خاتمہ کی خاطر مربوط لائحہ عمل مرتب کرچکی ہے اب لوڈشیڈنگ میں قوم روز بروز کمی آتی دیکھے گی۔