سکھر (بیورو رپورٹ ) چاچڑ برادری کے مردو خواتین کا احتجاج ، قاتلوں کی گرفتاری کا مطالبہ۔ تفصیلات کے مطابق پنو عاقل کے مکین چاچڑ برادری سے تعلق رکھنے والے طاہر چاچڑ،مسمات شیراں ،مائی حسنا ،محمدرمضان نے سکھر پریس کلب کے سامنے احتجاج کرتے ہوئے بتایا کہ دو ماہ قبل بااثر ملزمان نے  ہمارے عزیز بشیر احمد کو اغواء کیا اورتشدد کا نشانہ بناتے ہوئے بے دردی سے قتل کردیا تھا گدا پور تھانے کی پولیس  ملزمان  کی سرپرستی میں مصروف ہے اور کیس واپس لینے کیلئے ہمیں ہراساں کررہی ہے اور جوابدار ہمیں سنگین نتائج کی دھمکیاں دے رہے ہیں۔ مظاہرین نے بالا حکام سے واقعہ کا نوٹس لیکر انصاف و تحفظ فراہم کرنے سمیت ملوث ملزمان کی گرفتاری کا مطالبہ کیا ہے۔