کراچی (اسپورٹس رپورٹر )سری لنکا اورآسٹریلیا کے درمیان تیسرا اور آخری ٹی 20کرکٹ میچ(آج)ہفتہ کو انٹرنیشنل کرکٹ سٹیڈیم، پالے کیلی میں کھیلا جائے گا۔مہمان ٹیم کو آئی لینڈرز کے خلاف تین میچوں کی سیریز میں 0-2کی فیصلہ کن برتری حاصل ہے۔ کینگرروز نے پہلے ٹی ٹونٹی میچ میں آئی لینڈرز کو باآسانی 10وکٹوں سے شکست دی ، دوسرے میچ میں کینگروز نے سری لنکا کو 3وکٹوں سے سے ہرا کر سیریز میں فیصلہ کن برتری حاصل کرلی ہے۔دونوں ٹیموں کے درمیان سیریز کا تیسرا اور آخری میچ 11 جون کو پالے کیلی میں کھیلا جائے گا۔ اس کے بعد پانچ ایک روزہ بین الاقوامی میچوں کی سیریز کا آغاز 14جون کو ہوگا،دوسرا ون ڈے میچ 16، تیسرا 19، چوتھا21 اورپانچواں اور آخری میچ 24جون کو کھیلا جائے گا ۔ ون ڈے سیریز مکمل ہونے کے بعد دونوں ٹیموں کے درمیان دو ٹیسٹ میچوں پر مشتمل سیریز کا پہلا میچ 29جون سے 3جولائی جبکہ دوسرا اور آخری ٹیسٹ میچ 8سے 12 جولائی تک گال سٹیڈیم میں کھیلا جائے گا۔ 
آخری ٹی ٹوئینٹی