لاہور(کامرس رپورٹر) بین الاقوامی ادبی تنظیم قصر ادب کے زیر اہتمام لندن میں مقیم معروف شاعر پروفیسر کلیم ثانی کے حمد یہ شعری مجموعے ”رنگ عقیدت“ کی تقریب رونمائی پنجابی کمپلیکس قذافی سٹیڈیم لاہور میں منعقد کی گئی۔ صدارت ممتاز شاعر، صحافی، ادیب ڈاکٹر کنول فیروز (تمغاءامتیاز برائے ادب حکومت پاکستان) نے کی۔ مہمان خصوصی پروفیسر وکٹوریہ پیٹرک امرت اور پروفیسر سلیم مسیح عاصم تھے۔ نظامت کے فرائض منفرد لہجے کے شاعر قصر ادب کے صدر ساجد پال ساجد نے نہایت خوش اسلوبی سے سر انجام دیئے۔ تقریب کے اختتام پر تمام مہمانوں کیلئے طعام کا اہتمام بھی کیا گیا تھا۔