مودی کومبارکہ د شہباز شریف : آئیں نفرت کو امید سے بدل دیں نوازشریف 

اسلام آباد (خبرنگار خصوصی+ نیٹ نیوز) نواز شریف نے نریندر مودی کو مسلسل تیسری بار وزیراعظم بننے پر مبارکباد دی ہے۔ ایکس پر پیغام میں نوازشریف نے کہا کہ مودی کو مسلسل تیسری بار وزیراعظم بننے پر گرمجوشی سے مبارکباد دیتا ہوں۔ الیکشن میں مسلسل تیسری بار کامیابی بھارتی عوام کے اعتماد کا اظہار ہے۔ آئیں ہم نفرت کو امید سے بدل کر اسے دو ارب انسانوں کی ترقی کا موقع بنائیں۔ دوسری جانب شہباز شریف نے بھی بھارتی وزیراعظم کو مبارکباد دی اور نیک تمناؤں کا اظہار کیا۔ شہباز شریف نے ایکس پر مودی کو مینشن کرتے ہوئے ان کے نام پیغام جاری کیا۔ شہباز شریف نے لکھا کہ ’نریندر مودی کو تیسری بار بطور وزیراعظم حلف اٹھانے پر مبارکباد پیش کرتا ہوں۔ نریندر مودی نے نواز شریف کی مبارکباد پر جواب میں کہا ہے کہ آپ کے پیغام کی قدر کرتا ہوں۔ بھارتی عوام ہمیشہ امن‘ سکیورٹی اور ترقی پسند خیالات کے حامی رہے ہیں۔ بھارتی عوام کی سکیورٹی اور خوشحالی ہمیشہ ہماری ترجیح رہے گی۔