لیلونگوے(نوائے وقت رپورٹ) افریقی ملک ملاوی کے نائب صدر کا طیارہ دوران پرواز لاپتہ ہوگیا۔ برطانوی میڈیا کے مطابق طیارے میں ملاوی کے نائب صدر ساؤلوس کلاؤس سمیت 10 افراد سوار ہیں۔ برطانوی میڈیا کا کہنا ہے  نائب صدر کو لے جانے والا طیارہ اڑان کے کچھ دیربعد ریڈار سے غائب ہوا، ایئرفورس کا طیارہ دارالحکومت لیلونگوے سے موزوزو جا رہا تھا۔ ملاوی کے صدر نے طیارے کو ڈھونڈنے کے احکامات جاری کردیے ہیں۔ واقعے کی اطلاع ملنے کے بعد ملاوی کے صدر لازارس چکویرا نے بہاماس کے لیے طے شدہ فضائی سفر منسوخ کردیا۔