لاہور(کامرس رپورٹر ) پالیسی اور ایڈوکیسی پروفیشنل کاظم سعید کو پاکستان ایگری کلچر کولیشن (پی اے سی) کا چیف ایگزیکٹیو آفیسر مقرر کردیا گیا ہے۔ پی اے سی کے بانی سی ای او عارف ندیم وائس چیئرمین کے عہدے پر خدمات انجام دیں گے۔ کاظم سعید اپنی اس نئی ذمہ داری کے تحت پاکستان کے ممتاز کاروباری گروپس کی معاونت سے نجی شعبہ کے زیر قیادت زرعی شعبہ کو مضبوط بنانے میں اپنا کردار ادا کریں گے۔ اپنی تقرری پر کاظم سعید نے کہا پاکستان میں زرعی شعبہ کی ترقی کیلئے بہت کچھ کرنا باقی ہے۔ انہوں نے پاکستان ایگری کلچر کولیشن کے پیٹرن اور سپانسرز کے ساتھ مل کر کام کرنے اور سٹیک ہولڈرز کی معاونت سے پاکستان ایگری کلچر کولیشن اور زرعی شعبہ کے امکانات سے بھرپور استفادہ کرنے کے عزم کا اظہار کیا۔