بھارہ کہو و گردو نواح میں مچھروں کی بھر مار ، بیماریاں پھیلنے لگیں 

بھارہ کہو (نامہ نگا ر )و فاقی دارالحکومت کے نواحی علاقہ بھارہ کہو و گردو نواح میں مچھرو ں کی بھر مار گلی، محلو ں اور گھر گھر میں مچھروں کے ڈیرے شدید گرمی کے باوجود مچھر مرنے کے بجائے بیماریاں پھیلا نے میں مصروف حکومتی ادارے خاموش تماشائی مہنگائی اور بے روز گاری کی ماری ہوئی عوام پر اب ملیریا اور دیگر بیماریوں کا حملہ حکومت فی الفور ان علاقوں کا سروے کرائے اور ہر گلی محلے اور گھر گھر مچھر مار سپرے کرایا جائے۔ ان خیالات کا اظہار سابق امید واربرائے ایم پی اے و سابق جنرل کونسلر یوسی 5بھارہ کہو اسلام آباد چوہدری عبدالرحمان نے صحافیوں سے بات کرتے ہوئے کیا انہوں نے کہا کہ حکومت اپنے مسائل کو حل کرنے کے لیئے کوشاں ہے لیکن عوام کی پرواہ کسی کو نہیں حالیہ شدید گرمی کے باوجود ڈینگی مچھر عوام بالخصوص بزرگوں اور چھوٹے بچوں میں ملیریا و دیگر بیماریاں پھلانے میں لگا ہو ا ہے۔