لاہور(سپورٹس رپورٹر) لاہور ڈسٹرکٹ فٹبال چیمپیئن شپ میں عثمانیہ فٹبال کلب اور ریڈرزفٹبال کلب کی ٹیموں نے اپنے اپنے میچز جیت لیے ہیں۔ پہلا میچ عثمانیہ فٹبال کلب اور ڈیمولیشن فٹبال کلب کی ٹیموں کے درمیان کھیلا گیا جس میں عثمانیہ کلب نے پانچ صفر سے جیت لیا۔ حسن ولید نے تین جبکہ احمد اور عدنان نے ایک ایک گول کیا۔ دوسرے میچ میں ریڈرز فٹبال کلب نے ماڈل ٹاون یونائٹیڈ فٹبال کلب کو چھ صفر سے زیر کیا۔ فاتح ٹیم کی جانب سے اعجاز نے تین جبکہ انور خان، ندالحق اور شہباز نے ایک ایک گول سکور کیا۔