لاہور (پ ر) گورنمنٹ کلیتہ البنات ڈگری کالج لاہور میں ”قدم بڑھاﺅ۔ ڈینگی بھگاﺅ“ کے حوالے سے ایک سیمینار کا اہتمام کیا گیا۔ تلاوتِ کلام پاک اور نعتِ رسول مقبول کے بعد ڈینگی وائرس کے اسباب و سدباب کے حوالے سے فوکل پرسن روبینہ بخاری نے خطاب کیا۔ مہمان خصوصی پرنسپل رخسانہ فرخ نے حکومت پنجاب کے ”قدم بڑھاﺅ۔ ڈینگی بھگاﺅ“ پروگرام کی اہمیت و افادیت سے طالبات کو آگاہ کیا اور اس حوالے سے کالج، گلی محلوں میں بھی لوگوں کو آگاہی فراہم کرنے کی تلقین کی۔ تقریب کا اختتام قومی ترانے پر ہوا۔