سیالکوٹ (نامہ نگار) چناب رینجرز اور بھارتی سیکورٹی افسران کی میٹنگ میں بلااشتعال فائرنگ، سوڈیم لائٹس کی تنصیب اور ورکنگ باو¿نڈری لائن کراسنگ پر چناب رینجرز نے تحفظات کا اظہار کیا ہے۔ میٹنگ عنایت شہید پوسٹ پر ہوئی جس میں رینجرز افسران کی قیادت کمانڈنٹ بریگیڈئیر امجد حسین نے کی اور بھارتی سیکورٹی فورسز کی جموں سیکشن دھمال کے ڈی آئی جی اندر سنگھ نے قیادت کی۔ میٹنگ میں بھارتی سیکورٹی فورسز کی بلااشتعال فائرنگ وگولہ باری سمیت باڑ لگانے اور سوڈیم لائٹس لگانے کے معاملات پر چناب رینجرز نے تحفظات کا اظہار کیا اور اسے پرامن ورکنگ باﺅنڈری لائن کے ماحول کو خراب کرنا قرار دیا۔