اداکارہ وینا ملک نے اپنے شوہر سے خلع لے لیا . عدالت نے فیصلہ اسد خٹک کی جانب سے عدم پیروی کے باعث یکطرفہ طور پر سنایا .اداکارہ حق مہر کی اد ا کی گئی رقم کا 25 فیصد واپس کریں گی۔تفصیلات کے مطابق وینا ملک نے اپنے شوہر اسد سے خلع لے لیا . وینا ملک کی اسد ملک سے شادی 25 دسمبر 2013 کو دبئی میں ہوئی تھی۔ وینا ملک نے رواں سال 6 جنوری کو لاہور کی فیملی عدالت کے جج محمد قیصر جمیل گجر کی عدالت میں خلع کا کیس دائر کیا تھا۔تاہم اسد خٹک کی جانب سے کیس کی پیروی نہیں کی گئی . جس پر عدالت نے 31 جنوری کو یکطرفہ طور پر فیصلہ سنا دیا۔۔وینا ملک حق مہر کے ادا کیے گئے 25 ہزار درہم میں سے 25 فیصد اسد ملک کو واپس کریں گی۔وینا ملک اور اسد خٹک کے دو بچے ایک بیٹا اور ایک بیٹی ہے . ویناکہتی ہیں معاف کیجیے ابھی اس معاملے پربات نہیں کرسکتی. امیدہے آپ صورتحال کی نزاکت سمجھ سکتے ہیں۔دوسری جانب اسد خٹک کا کہنا ہے کہ وینامیری بیوی ہے.بہت پیارکرتاہوں۔اسد خٹک نے کہا کہ جب ہم راضی ہوجائیں گے توعدالت بھی فیصلہ ہمارے حق میں دےگی۔شادی برقراررہےگی.جب میاں بیوی راضی توکیاکرےگاقاضی!انہوں نے کہا کہ وینا اگر آپ مجھ سے ناراض ہے تو میں اس سے معافی مانگتاہوں.میں نے آپ کو کوئی تکلیف پہنچائی ہو توبھی معافی مانگتاہوں.بزرگ ہمارے درمیان صلح کرائیں گے۔اسد خٹک کا کہنا تھا کہ وینا اچھی بیوی، اچھی ماں اور اچھی دوست ہے. میاں اور بیوی میں لڑائی جھگڑے ہوتے رہتے ہیں. چاہتاہوں کہ صلح ہوجائے۔انہوں نے مزید بتایا کہ جنوری میں عمرے پر گیا اور پھر وہیں سے امریکا چلا گیاتھا۔