دبئی (سپورٹس رپورٹر)معروف کرکٹ رائٹر ڈینس نے عمر اکمل کے زخموں پر نمک چھڑکنے میں سب کو پیچھے چھوڑ دیا ۔ انہوں نے نہ کوئی لفظ لکھا اور نہ کوئی تبصرہ کرنے کی کوشش کی، بس ایک تصویر اپ لوڈ کی اور اپنے ساتھ پاکستانیوں کے دل کی بھڑاس بھی نکال دی۔ڈینس نے جو تصویر شیئر کی اس میں وہ بغیر شرٹ کے بستر پر لیٹے ہیں اور منہ میں انگور کا دانہ دبا رکھا ہے جبکہ ہاتھ میں انگوروں کا پورا گچھا تھام رکھا ہے۔ تصویر دیکھنے کے بعد یقینا آپ کو کچھ بھی پوچھنے کی ضرورت نہیں رہی ہو گی اور سب کچھ آپ کی سمجھ میں آ گیا ہو گا جبکہ یہ تصویر دیکھنے کے بعد عمر اکمل کی کیا حالت ہوئی ہو گی؟ اس کا اندازہ بھی آپ بخوبی لگا سکتے ہیں۔