کراچی (سٹاف رپورٹر) چیف آف آرمی سٹاف قمر جاوید باجوہ نے مشرقی سرحد پر پنو عاقل ڈویژن کے آپریشنل علاقوں کا دورہ کیا اس موقع پر چیف آف آرمی سٹاف کو آپریشنل تیاریوں کے بارے میں بریفنگ دی گئی۔ آرمی چیف نے جوانوں کی آپریشنل تیاریوں اور ان کے جذبے کو سراہا بعدازاں قمر جاوید باجوہ نے صالح پٹ میں آل پاکستان مہران شوٹنگ چیمپئن شپ کو دیکھا جہاں وہ مہمان خصوصی تھے۔ یہ چیمپئن شپ پاکستان آرمی نے جیت لی جوکہ 4روز سے جاری تھی۔ قمر جاوید باجوہ نے اس موقع پر سویلین شوٹر کی دلچسپی اور نشانہ بازی کے اعلیٰ معیار کی تعریف کی اس موقع پر اپوزیشن لیڈر خورشید شاہ‘ کور کمانڈر کراچی لیفٹیننٹ جنرل شاہد بیگ مرزا‘ جی او سی پنو عاقل ڈویژن میجر جنرل ظفر اللہ خان بھی موجودتھے۔