اسلام آباد( پ ر ) 2017میں پیپسی بیٹل آف دی بینڈز کے سیزن 2میں کامیابی حاصل کرنے کے بعد، کشمیر بینڈ ملک میں ایک بہترین متبادل راک بینڈ کے طور پر ابھرا ہے۔ متعدد میوزک وڈیوز اور سنگل ریلیز کے 2سال بعد پیپسی اور زیلبری کے اشتراک سے ایوارڈ یافتہ گروپ نے آخر کار ’خواب‘ کے نام سے اپنا پہلا ایلبم ریلیز کردیا۔ ایلبم کی ریلیز کے ساتھ یہ خبر بھی ہے کہ ایک اور گیت ’دھوپ‘ جس کی میوزک وڈیو عمر انور نے ڈائریکٹ کی ہے تھائی لینڈ میں شوٹ کی گئی ہے۔ ایلبم میں 9گیت ہیں اس کے علاوہ 2بونس گانے ، اور پچھلے دو سالوں میں ان تمام گانوں کا مجموعہ جو بینڈ نے انفرادی طور پر ریلیز کیا انہیں بھی شامل کیا گیا ہے۔