کورونا وائرس سے بچاؤکے حوالے سے قومی ادارہ صحت کی 3 رکنی ٹیم اسکردو پہنچ گئی

نیشنل انسٹیٹیوٹ آف ہیلتھ (این آئی ایچ) کے ترجمان نے کہا ہے کہ کورونا وائرس سے بچاو¿کے حوالے سے قومی ادارہ صحت کی 3 رکنی ٹیم بدھ کو اسکردو پہنچ گئی ہے۔ ٹیم نے سیکرٹری صحت گلگت بلتستان سے ملاقات بھی کی۔ ملاقات میں کورونا وائرس سے متعلق موجودہ صورتحال پر بریفنگ دی گئی۔ ترجمان کے مطابق قومی ادارہ صحت کے ماہرین کی ٹیم کورونا سے متعلق تربیت فراہم کرنے کے لیے پہنچی ہے جبکہ وائرس کی تشخیص کے لیے 2 رکنی ٹیم پہلے سے اسکردو میں موجود ہے۔ ماہرین کی تین رکنی ٹیم ایک ہفتہ تک گلگت بلتستان میں موجود رہے گی۔