اسلام آباد: جرگے میں فائرنگ‘ نیئر بخاری کے بیٹے سمیت 2 زخمی

اسلام آباد (اپنے سٹاف رپورٹر سے) تھانہ کوہسار کے سیکٹر ای سیون میں صلح کرانے کیلئے ہونے والے جرگے میں فائرنگ ہوگئی۔ جس سے دو افراد جرار بخاری اور ملک متین زخمی ہوگئے۔ جرار بخاری پیپلز پارٹی کے سیکرٹری جنرل سابق چیئرمین سینٹ سید نیئر حسین بخاری کے صاحبزادے ہیں۔ پولیس کے مطابق گلی نمبر15 ای سیون میں جرگے کے دوران تلخ کلامی پر فائرنگ ہوگئی۔ زخمی ملک متین کو پولی کلینک جبکہ جرار بخاری کو پمز ہسپتال منتقل کردیا گیا۔ پولیس جائے وقوعہ اور ہسپتالوں میں پہنچ گئی۔