طاہر سلیم چوہدری کی تعلیمی خدمات کوہمیشہ یاد رکھا جائیگا : عطاء محمد قریشی 

خان پور (نامہ نگار) پرائیویٹ سکولز اینڈ کالجز ایسوسی ایشن کے نائب صدر طاہر سلیم چوہدری مرحوم کی یاد میں منعقدہ تعزیتی ریفرنس سے خطاب کرتے ہوئے صدرپی ایس سی ایم اے عطاء محمد قریشی نے کہا کہ ماہر تعلیم طاہر سلیم چوہدری کی تعلیمی خدمات کو ایک طویل عرصہ تک یاد رکھا جائیگا انکی ناگہانی موت سے جو خلا پید ہوا ہے وہ بڑی مشکل سے پر ہوگا ۔ اس موقع پر چیئرمین پی ایس سی ایم اے ڈاکٹر رحیم الدین ،سابق صدر امجد علی خان ،جنرل سیکرٹری رئیس عاشق امین ،نائب صدر نادرہ فردوس ،آفتاب احمد نیاز ،ملک رحیم بخش ،سیدہ عظمیٰ ،نبیلہ خورشید ،خورشید احمد چوہدری ودیگر نے تعزیتی ریفرنس سے خطاب کیا ۔تقریب میں مرحوم کے عزیز و اقارب بھائی خورشید احمد چوہدری بھتیجی نبیلہ خورشید ،حافظ عبدالقدیر بھی موجود تھے ۔