کراچی(اسپورٹس رپورٹر)سربیا کے ٹینس اسٹار نوواک جوکووچ  امریکا میں ہونے والے 2ٹورنامنٹس سے دستبردار ہوگئے۔ نوواک جوکووچ کا کہناتھا کہ مجھے بتایا گیا ہے کہ سفری قواعد و ضوابط تبدیل نہیں کیے جائیں گے لہذا  انڈین ویلز اور  میامی ٹورنامنٹس کے لیے سفر کرنے کا امکان نہیں۔ ۔خیال رہے کہ نواک جوکووچ کووڈ ویکسی نیشن کے معاملے پر آسٹریلین اوپن میں بھی حصہ نہیں لے سکے تھے۔جوکووچ آسٹریلین اوپن میں شرکت کے لیے آسٹریلیا پہنچے تھے تاہم بارڈر سکیورٹی فورس نے کووڈ پروٹوکول کی خلاف ورزی پر انہیں حراست میں لے لیا تھا بعد ازاں آسٹریلین حکومت نے جووکووچ کا ویز ا منسوخ کر دیا تھا۔