کارکردگی سے مطمئن‘پلے آف پر زیادہ فوکس : حارث رئوف

لاہور(سپورٹس رپورٹر ) لاہور قلندرز کے فاسٹ بائولر حارث رئوف نے کہا ہے وہ پی ایس ایل میں اپنی کارکردگی سے مطمئن ہیں، ٹیم کو جہاں ضرورت ہوتی ہے وکٹ بھی لیتا ہوں اور رنز بھی روکتا ہوں۔ راولپنڈی کی وکٹ بائولرز کو مدد نہیں کر رہی مگر چیلنجز ہوتے ہیں، ایسی پچ پر بائولنگ کرکے آپ سیکھتے ہیں اور عتماد بھی ملتا ہے۔ٹی 20 میں کسی بھی ٹیم کو دبائو میں لانے کیلئے جلدی وکٹیں لینا بہت اہم ہوتا ہے، 200 رنز کا ہدف حاصل کرنا آسان نہیں ہوتا، پلان کے تحت ہم نے اسلام آباد یونائیٹڈ کے بیٹرز کو جلدی آئوٹ کیا اور میچ میں کامیابی حاصل کی۔  پلے آف مرحلے کے میچوں پر زیادہ فوکس ہے۔ کوشش ہو گی کہ ان میچوں میں اچھی کارکردگی کا مظاہرہ کر کے ٹیم کی جیت میں کردار ادا کروں۔ ہمیں ٹیم مینجمنٹ کی طرف سے بھرپور سپورٹ حاصل ہے۔ انہوں نے زمان خان اور احسان اللہ کو پاکستان کا فیوچر قرار دیا اور کہا کہ دونوں پلیئرز بہت اچھا پرفارم کر رہے ہیں۔  راولپنڈی کا کرائوڈ بہت زبردست ہے اور دونوں ٹیموں کو سپورٹ کرتا ہے۔