ویمنز لیگ نمائشی میچ ‘ ایمازونز نے سپر وومن کو 41 رنز سے ہرادیا، سیریز برابر

 لاہور(سپورٹس رپورٹر)پاکستان سپر لیگ کے موقع پر کھیلے جانے والے دوسرے ویمنز لیگ نمائشی میچ میں ایمازونز نے سپر وومن کو 41 رنزسے ہراکر تین میچز کی سیریز ایک ایک سے برابرکردی۔فاتح ٹیم کی ڈینی وائٹ کے 97 رنزٹیم کے کام آگئے۔205 رنزکے تعاقب میں سپر وومن 9 وکٹ پر 163رنزبناسکی۔ سپر وومن کی لورین ونفیلڈ ہل کے 80 رنز رائیگاں گئے، ارم جاوید 28 ، چماری اتاپاتو 17 اور منیبہ علی نے 11رنزبنائے۔ایمازونز کی انعم امین نے17 رنز دیکر چار وکٹیں حاصل کیں۔ فاطمہ ثنا دو ، ڈینی وائٹ اور غلام فاطمہ نے ایک ایک وکٹ حاصل کی۔ایمازونز نے پہلے بیٹنگ میںتین وکٹ پر 204 رنز بنائے تھے۔ ڈینی وائٹ 97 رنز بناکر نمایاں رہیں۔ بسمہ معروف نے 73 رنز کی ناقابل شکست اننگز کھیلی۔ تین میچز کی سیریز ایک ایک سے برابر ہوگئی ہے۔ ویمنز لیگ کا تیسرا اور آخری میچ آج راولپنڈی میں کھیلا جائیگا۔