ڈسٹرکٹ پو لیس آفیسر شیخوپورہ کی پولیس کے شہدا ءکی فیملیز اوربچوں کے ساتھ خصوصی ملاقات

 فیروزوالہ( نامہ نگار) ڈسٹرکٹ پو لیس آفیسر شیخوپورہ زاہد نواز مروت کی جانب سے شیخوپورہ پولیس کے شہدا کی فیملیز اوربچوں کے ساتھ خصوصی ملاقات کاانقعادڈی پی او شیخوپورہ نے شہداکی فیملیز کا استقبال کیا ۔پولیس بینڈ کے دستے نے سلامی پیش کی۔ ڈسٹرکٹ پو لیس آفیسر شیخوپورہ زاہد نواز مروت کی جانب سے شیخوپورہ پولیس کے شہدا کی فیملیز اور ان کے بچوں کےساتھ خصوصی ملاقات کا انقعاد کیا گیا۔ ایس پی انویسٹی گیشن شیخوپورہ ضلع بھر کے ڈی ایس پیز اور، ایس ایچ اوز اور شیخوپورہ پولیس کے دیگر پولیس افسران و ملازمان موجود تھے۔ڈسٹرکٹ پو لیس آفیسر شیخوپورہ زاہد نواز مروت کی جانب سے تمام پولیس شہدا کی فیملیز سے ملاقات کے سلسلہ میں فیملیزاور بچوں کو گھر تک پک اینڈ ڈراپ کے خصوصی انتظامات کیے گئے ۔ڈی پی او شیخوپورہ نے فرداً فرداً شیخوپورہ پولیس کے تمام شہدا کی فیملیز کے ملاقات کی ان سے بات چیت کرتے ہو ئے ان کو مسائل دریافت کیے اور ان کے فوری حل کےلئے متعلقہ پولیس افسران کو احکامات جاری کیے۔