لاہور(سپورٹس رپورٹر) ویسٹ انڈیز کے سابق کپتان اور پشاور زلمی کے ہیڈ کوچ ڈیرن سیمی نے واشگاف الفاظ میں کہا ہے کہ وہ فی الوقت پاکستان کرکٹ ٹیم کی کوچنگ کیلئے قطعی طور پر غور نہیں کر رہے۔ نیشنل سٹیڈیم میں پشاور زلمی کے تربیتی سیشن میں ڈیرن سیمی نے قومی ٹیم میں ہیڈ کوچ کی ذمہ داریاں سنبھالنے کے حوالے سے کہا کہ اس وقت ان کی تمام تر توجہ پشاور زلمی کی کوچنگ پر ہے۔ وہ اس وقت صرف اپنی ٹیم کو ٹائٹل جتوانا چاہتے ہیں اس لیے پاکستان ٹیم کی کوچنگ سمیت کسی بھی چیز پر توجہ نہیں دے رہے۔