لاہور(نامہ نگار) پنجاب پولیس کا ایک اور اعزاز ، پی ایس ایل کے فول پروف سکیورٹی انتظامات پر پاکستان کرکٹ بورڈ نے شاندر خراج تحسین پیش کیا۔ پاکستان کرکٹ بورڈ نے پی ایس ایل 2024ء سیزن 9 کے میچز کے محفوظ، پرامن اور خوشگوار ماحول میں انعقاد پر پنجاب پولیس کا شاندار انداز میں شکریہ ادا کیا۔ راولپنڈی کرکٹ سٹیڈیم میں اسلام آباد یونائیٹڈ اور ملتان سلطان کے مابین میچ کے بعد اختتامی تقریب کے دوران سٹیڈیم کی تمام سکرینز پر Thank You Punjab Police خوبصورت انداز میں نمایاں کیا گیا۔