سی سی پی او کاانویسٹی گیشن ونگ کی کارکردگی پراجلاس ،مقدمات جلد نمٹانے کاحکم

لاہور(نامہ نگار)کیپٹل سٹی پولیس آفیسر لاہور بلال صدیق کمیانہ کی صدارت میں سی سی پی او آفس میں انویسٹی گیشن ونگ کی کارکردگی کے حوالے سے اہم اجلاس ہوا۔سی سی پی او لاہورنے ڈویڑنل ایس پیز کوزیرِتفتیش مقدمات جلد سے جلد نمٹانے کی ہدایت کی۔ اس موقع پر سی سی پی او لاہورنے غیر تسلی بخش کارکردگی کے حامل افسران پر اظہارِ ناراضگی کرتے ہوئے کہا کہ فرائض کی انجام دہی میں عدم دلچسپی کسی صورت برداشت نہیں کی جائے گی۔ سائل خواتین کے مسائل ترجیحی بنیادوں پر حل کئے جائیں۔ سی سی پی او لاہورنے ایس ایس پی(انوسٹی گیشن)کو زیر تفتیش مقدمات خود مانیٹر کرنے کی ہدایت کرتے ہوئے کہا کہ ڈویژنل افسران کی کارکردگی باقاعدگی سے مانیٹر کی جائے گی۔ انفارمیشن  ٹیکنالوجی کے موثراستعمال سے مجرمان کے قلع قمع کو یقینی بنایا جائے۔ایف آئی آرز کابروقت اندراج،میرٹ پر تفتیش اور مظلوم کو انصاف کی فراہمی پولیس کا اہم فریضہ ہے۔