فیروزوالہ:مختلف حادثات میں نو عمر لڑکا ہلاک ،10 افراد زخمی،12 سالہ لڑکا قتل

فیروزوالہ( نامہ نگار) جی ٹی روڈ پر رچنا ٹاؤن کے قریب تیر رفتارگاڑی کی زد میں آ کر نو عمر لڑکا ہلاک ہو گیا۔ فیروز والا پولیس نے واقعہ کی رپورٹ درج کر لی۔ شرقپور روڈ پر منڈیانوالہ کے قریب تیزرفتار موٹرسائیکل بے قابو ہو کر فٹ پاتھ سے ٹکرا گئی جس کے نتیجہ میں 2 افراد زخمی ہوگئے ۔کالا شاہ کاکو کے قریب ویگن کی موٹرسائیکل سواروں کوٹکر حادثہ کے نتیجہ میں ریاست اورصداقت نامی نوجوان شدید زخمی ہوگئے۔ موٹر سائیکل رکشہ الٹ جانے سے 3 افراد زخمی ہو گئے۔ لاہور روڈ پر تیز رفتار گاڑی بے قابو ہو کر موٹر سائیکل سواروں سے ٹکرا گئی جس کی وجہ میں 3 دوست صفدر الیاس وغیرہ زخمی ہو گئے۔زخمیوں کو ہسپتال پہنچا دیا گیا۔دریں اثناء تھانہ فیکٹری ایریا کے علاقہ اقبال ٹاؤن میں 10سالہ لڑکا سلمان ریاض لاپتہ ہونے کے بعد قتل مقتول کی نعش خالی پلاٹ سے ملی ۔اقبال ٹاؤن کے رہائشی محنت کش محمد ریاض کا 10 سالہ بیٹا سلمان ریاض گھر سے کھیلنے کے لیے باہر گیا مگر گھر واپس نہ آیا۔پولیس نے مقتول کی نعش قبضہ میں لے کر پوسٹ مارٹم کیلئے ہسپتال بھیج دی۔