ٹھٹہ: کشتی ڈوبنے سے لاپتہ ایک اور نعش مل گئی، ہلاکتیں4 ہوگئیں

ٹھٹہ (نوائے وقت رپورٹ)  ٹھٹہ کے علاقے حجامڑو کے قریب کشتی ڈوبنے سے لاپتہ ایک اور ماہی گیر کی نعش مل گئی اور جاں بحق ماہی گیروں کی تعداد 4 ہوگئی ہے۔ ریسکیو ذرائع کے مطابق لاپتہ 10 ماہی گیروں کی تلاش کے لیے ریسکیو آپریشن جاری ہے۔ دوسری جانب لاپتہ ماہی گیروں کے ورثا  نے احتجاج کیا، انکا کہنا تھا  انتظامیہ لاپتہ ماہی گیروں کی تلاش میں سنجیدہ نہیں۔ انچارج کوسٹل میڈیا سینٹر کمال شاہ کا کہنا ہے پانچ مارچ کو کشتی ڈوبنے سے 45 ماہی گیر لاپتہ ہوئے۔ تاہم 31 ماہی گیر ابراہیم حیدری پہنچ گئے تھے۔