لاہور (نامہ نگار) ڈاکوؤں اور چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا ہے۔ تفصیلات کے مطابق ڈاکوؤں نے نشتر کالونی کے علاقے میں سعود کے گھر گھس کر اہلخانہ کو یرغمال بنا کر 6لاکھ 46 ہزار روپے مالیت کی نقدی، طلائی زیورات، موبائل فون اور دیگر سامان، جوہر ٹاؤن کے علاقے میں عابد اور اس کی فیملی سے ساڑھے 3 لاکھ روپے مالیت کی نقدی، طلائی زیورات اورموبائل فون، مغلپورہ کے علاقے میں عنصر سے 70 ہزار روپے اور موبائل فون، ساندہ کے علاقے میں وقار سے61 ہزار روپے اور موبائل فون، رائیونڈ کے علاقے میں سلیم سے گن پوائنٹ پر 80ہزار روپے اور موبائل فون، ساندہ کے علاقے میں جبار سے 37ہزار روپے اور موبائل فون، مصری شاہ کے علاقے میں طارق سے 23ہزار  روپے اور موبائل فون، پرانی انارکلی کے علاقے میں صغیر سے 18 ہزار روپے اور موبائل فون، سبزہ زار کے علاقے میں امجد سے 11 ہزار روپے اور موبائل فون، لٹن روڈ کے علاقے میں عرفان سے 2 ہزار روپے اور موبائل فون لوٹ لیا۔ چوروں نے گرین ٹاؤن کے علاقے میں اسد کے گھر گھس کر ساڑھے5 لاکھ روپے مالیت کی نقدی، زیورات اور دیگر سامان چوری کر لیا اورفرار ہوگئے۔ چوروں نے اقبال ٹاؤن، ڈیفنس، گرین ٹاؤن اور باغبانپورہ کے علاقوں میں سے 4کاریں جبکہ ہنجروال، ریس کورس، ٹبی سٹی، بھاٹی گیٹ، شاہدرہ ٹاؤن، مزنگ، اسلام پورہ اور قائداعظم انڈسٹریل اسٹیٹ کے علاقوں میں سے8 موٹر سائیکلیں چوری کر لیں۔